പ്രാദേശിക സർക്കാർ എന്ന ആശയം പൂർണ്ണതയിലെത്തിക്കുന്നതിന് ജീവനക്കാരുടെയും ഭരണസമിതി അംഗങ്ങളുടെയും പൊതുജനങ്ങളുടെയും കൂട്ടായ പ്രവർത്തനങ്ങളിലൂടെ പഞ്ചായത്തിന്റെ എല്ലാ പ്രവർത്തനങ്ങളിലും ഗുണമേന്മ ഉറപ്പുവരുത്തുകയും, പൊതുജനങ്ങൾക്ക് സമയബന്ധിതവും സുതാര്യവും കാര്യക്ഷമവുമായ സേവനങ്ങൾ ലഭ്യമാക്കി ഒരു ജനസൗഹൃദ ഗ്രാമപഞ്ചായത്തായി മാറുക എന്നതാണ് പഞ്ചായത്തിന്റെ ഗുണമേന്മ നയം.
തനതായ ഗ്രാമീണ ഭംഗിയും കാർഷിക സംസ്കാരവും സംരക്ഷിച്ചുകൊണ്ടുതന്നെ, നവകേരള നിർമ്മിതിയുടെ ആശയങ്ങൾ ഉൾക്കൊണ്ട് ചെന്നീർക്കര ഗ്രാമപഞ്ചായത്തിലെ ഓരോ പൗരനും തുല്യനീതി, സമഗ്ര വികസനം, മികച്ച പൊതുസേവനങ്ങൾ, സാമൂഹിക സുരക്ഷ എന്നിവ ഉറപ്പാക്കുക എന്നതാണ് ഈ ഗ്രാമപഞ്ചായത്തിന്റെ പരമപ്രധാനമായ ലക്ഷ്യം.
