ചെന്നീർക്കര
ഗ്രാമ പഞ്ചായത്ത്

ഗ്രാമ പഞ്ചായത്തിന്റെ ചരിത്രം ചെന്നീര്‍ക്കരയെക്കുറിച്ചു പരാമര്‍ശിക്കുന്ന ചരിത്രരേഖകളില്‍ പ്രാമാണ്യം അര്‍ഹിക്കുന്നത് റോബര്‍ട്ട് സീവെല്ലിന്റെ ദക്ഷിണേന്ത്യന്‍ ലിഖിതങ്ങളാണ് (സൌത്ത് ഇന്ത്യന്‍ ഇന്‍സ്ക്രിപ്ഷന്‍സ്). കൊടുമണ്‍ ഭൂവിഭാഗം ഉള്‍പ്പെടുന്ന ചെന്നീര്‍ക്കര സ്വരൂപം ശക്തി ഭദ്രന്‍ എന്ന സ്ഥാനപ്പേരോടുകൂടിയ രാജാക്കന്മാരാണ് ഭരണം നടത്തിയിരുന്നതെന്ന് റോബര്‍ട്ട് സീവെല്‍ രേഖപ്പെടുത്തിയിരിക്കുന്നു. ചെന്നീര്‍ക്കര രാജകുടുംബം ചെന്നീര്‍ക്കരയില്‍ നിന്നും കൊടുമണ്ണില്‍ ഏതുകാലത്ത് ആസ്ഥാനം ഉറപ്പിച്ചു എന്നു സമര്‍ത്ഥിക്കുന്നതിനുള്ള ചരിത്രരേഖകള്‍ ലഭ്യമല്ലെങ്കിലും ചെന്നീര്‍ക്കര രാജകുടുംബത്തിന്റെ മൂലഗൃഹം ചെന്നീര്‍ക്കരയില്‍ ഇന്നു കാണുന്ന പുരാതനതറവാടായ വലിയതറയാണെന്ന് അനുമാനിക്കാന്‍ കഴിയുന്ന രീതിയില്‍ പൌരാണിക തച്ചുശാസ്ത്രപ്രകാരം നിര്‍മ്മിച്ചിരിക്കുന്ന വലിയതറഗൃഹവും, ക്ഷേത്രവും വിസ്തൃതമായ കാവുകളും ഇന്നും നിലകൊള്ളുന്നു. കാലപ്രവാഹത്തില്‍...